Sinampahan na ng kasong Murder ng Police Station 1 ang mga suspek sa pagpatay sa gwardya ng J Marketing sa Puerto Princesa na si Jessie Mampay.
Kahapon ng umaga ay kinumpirma ni PCapt. Alta Xerxes Cabillage na naihain na sa City Prosecutor’s Office ang kaso laban sa dalawang lalaki na nakuhanan ng CCTV.
Ayon kay PCapt. Cabillage ay hindi pa nila mailalabas ngayon ang pangalan ng mga suspek at hihintayin na lamang nila na sumagot ito sa isinampang kaso laban sa kanila.
“Sabi niya [ng testigo], “tirahin mo na rin ‘yan! Tirahin” na ganun ang pagkarinig niya ganoon testimonya na binigay sa’min. Wala pong audio [‘yung CCTV ]… kaya sinama natin siya kasi inundyukan niya ang primary suspect natin.”- PCapt. Alta Xerxes Cabillage, Police Station 1 Commander
Samantala, si Jessie Mampay ay inihatid na sa huling hantungan kahapon sa bayan ng Roxas, Palawan.
