Sinimulan na ng DA-Cagayan Valley Research Center katuwang ang Lokal na pamahalaan ng Cabatuan, Isabela ang proyektong Mungbean processing facility matapos ang isinagawang groundbreaking ceremony kahapon.
Ito ay parte ng patuloy na pagsuporta ng DA-CVRC sa mga partner-cooperators para sa Research for Development (R4D) interventions kung saan isa na dito ang Farmers Land Owners and Workers (FLOW) of Pariir Agriculture Cooperative sa naturang bayan.
Ang naturang kooperatiba ay kaagapay ng DA-Bureau of Agricultural Research funded project“Enhancement and Commercialization of Mungbean-based Food Products in Cagayan Valley’’.
Bilang suporta sa R4D intervention ibinigay ng High Value Crops Development Program (HVCDP) sa naturang kooperatiba ang Mungbean Sprouting Facility at ibang kagamitan na pinondohan ng 2.5 milyon pesos.
Pinaalalahanan naman ni Regional Technical Director for Research & Regulatory Rose Mary Aquino ang kooperatiba na maging daan upang matulungan ang mga mungbean farmers.
Bukod dito ay magkakaroon naman ng pagsasanay sa Good Agricultural Practices (GAP) para sa produksyon ng mungbean ang mga magsasaka at miyembro ng kooperatiba upang mamintina ang maximum residue level (MRL) at food safety
