Mahimong mapriso sa unom ka bulan hangtud duha ka tuig ilalom sa Revise Penal Code ang bisan kinsa nga nagbaligya og peke nga COVID-19 vaccination cards, sumala sa Criminal Investigation and Detection Group.
Gipadayag ni CIDG Director Police Major General Albert Ignatius Ferro nga iligal ang pagmeke sa unsa mang dokumento bisan ang pag-forge sa mga vaccination cards nga gipamaligya sa dili pa bakunadong indibidwal.
Ilalom sa Article 172, ang bisan kinsa nga mameke sa mga dokumento adunay multa nga dili molapas a P5,000, gawas sa pagkabilanggo.
Gawas pa niini gipadayag ni Ferro nga gipangita usab sa CIDG ang namaligya sa iligal ug overpriced nga bakuna nga gigamit sa COVID-19 treatment sama sa tocilizumab ug remdesivir.
