LEGAZPI CITY – Nagkondusir an Municipal Social Welfare and Development Office (MSWDO) Camalig nin outreach activity para sa mga kaaikang evacuees kan Mayon.
Katabang kaini an Camalig Children’s Organization na may obhetong matawan nin dugang na kaaraman an mga ini sa tahaw kan pigkakahampang na uma.
Dugang pa digdi an pagsisiyertong maugma asin aktibo an mga ini sa paagi kan pagtatao ki psychosocial relief.
Mientrastanto, nagkapira sa mga aktibidad iyo an pagpaheling ki mga pelikula, pagpapakawat nin mga parlor games, asin art session.
Sa ngunyan, nasa ika 67 aldaw na an pagtenir kan mga evacuees sa laog kan mga evacuation sites, kaya padagos an pigasagibong mga paagi kan LGU nganing masiyertong maray an saindang kamugtakan.
