SAMARON nga gipangdala sa ospital ang lima ka indibidwal human malambigit sa insidente sa bangga sa Purok 18, Barangay Lagao, GenSan, alas 6:25 sa gabei, Setyembre 16.
Sumala sa TEU-GenSan ang mga nasamdan mao ang drayber sa motorsiklo nga nailhan kang Leaster Edrian Clarin, taga DBP Homes, Barangay San Isidro; lakip na ang magpamilya nga sakay sa top down nga silang Avis Sunga, asawa niining si Violeta Bulani, ug ang ilahang duha ka tuig anak nga babaye ug unom ka bulan nga anak lalaki.
Ang draybers sa motorsiklo nga si Clarin nakaangkon og samad sa nawong, ug adunay bun-og sa lawas.
Samtang ang magpamilya may naangkon sab nga mga samad sa nagkadaiyang parte sa ilahang lawas ug anaa na karon sa stable nga kahimtang.
Subay sa imbestigasyon sa TEU ang duha ka sakyanan nagsubay sa opposite lane sa Nursery road- Conel road, Lagao apan kalit sumala pa nga miliko pa wala padulong sa nursery road ang topdown rason nga nabanggaan kin isa motorisko.
Temporaryo sab nga gipang-impound sa kapulisan ang mga sakyanan nga nalambigit sa maong insidente. I Enamie Mogpon
