Nagpabalhag sa Roxas Component City Police Station ang isa ka 48-anyos nga lalaki matapos ginkawat ang iya motorsiklo nga gin-park sa Magallanes Street, Corner Aguinaldo Street, Roxas City takna alas 10:00 kagab-i sang Domingo, Enero 7.
Ginkilala ang tag-iya sang motor kay Edmon Bolante, residente sang Magallanes Street, Brgy II sining syudad.
Sandig sa ginpabalhag sang biktima, ginpark niya sa atubang sang simbahan ang iya Suzuki J Raider nga motorsiklo, color yellow kag may top box nga color puti. No. AEP4-310664 kag chassis No. EH11A-110733 apang sa iya pagbalik nadula na.
Ginapahayag nga nalipatan man sang biktima nga kuhaon ang yabi sa iya motor.
Gapanawagan man ini sa mga makakita kag mabaligyaan nga magreport gilayon sa kapulisan agud madakpan ang kawatan. | Judy Ann Juare
