Arestado ang ginakabig top 7 sa provincial level kag top 3 most wanted person sa municipal level sa banwa sang Ivisan matapos ginserbihan sang warrant of arrest sa Barangay Astorga, Dumarao, Capiz.
Ginkilala ang akusado kay alyas “Jokjok”, 39-anyos, kag residente man sang nasambit nga lugar.
Nagapangatubang ini sang kaso nga 4 counts of rape kag 4 counts sang act of lasciviousness.
Ang warrant of arrest ang gin-isyu kag ginpermahan ni Judge Eric Anthony E. Dumpilo, sang Regional Trial Court, 6th Judicial Region, Branch 14, Roxas City, Capiz.
Wala sang piyansa nga ginrekomendar ang korte para sa kaso sini nga rape apang may piyansa nga P200 sa kada counts sang act of lasciviousness.
Natalana naman nga iga turn-over ang arestado sa iya court of origin. | Judy Ann Juare
