General santos city- PATAY sa ospital ang usa ka motorista human malambigit sa insidente sa bangga alas syete kwarenta sa gabie, Disyembre 19 sa Purok Malanting, Barangay Tambler, Gensan.
Giila ang namatay nga si Arneil Adion, 53-anyos residente sa Purok 1, Barangay Olympog ning syudad. Samtang ang laing biktima nailhan sab kang Jovel Cahilig, Taga Sitio Macnit, Barangay Malandag, Malungon Sarangani Province.
Basi sa imbestigasyon sa TEU-Gensan susamang gilatas sa duha ka motorsiklo ang highway sa Purok Malanting. Nag-una ang motor nga gimanehoan ni Cahilig ug nagsunod si Adion. Dihang paliko na matud pa sa wala nga direksyon si Cahilig kalit lang nga nabanggaan ni Adion ang ligid sa iyahang motorsiklo hinungdan sa pagkatumba sa duha nga miresulta sa pagkamatay ni Adion. Nasuta nga gikan sa trabahoan ang mga biktima ug paulin a unta sa ilahang nagkadaiyang panimalay dihang mahitabo ang insidente sa bangga. Sa karon gi-impound na sa TEU ang duha ka motor nga nalambigit sa bangga
