BU-AK ang ulo, ug PATAY ang usa ka motorista, human kini nadisgrasya sa tulay sa National Highway, Barangay Goleo, Sindangan, Zamboanga Del Norte.
Giila sa kapulisan ang biktima nga si Khenn Estanel Enong, 28 Anyos, lumulupyo sa Barangay Mandih, sa nasangpit nga lungsod.
Sumala pa sa Cephalocaudal Assessment sa BFP, nakita nga ang pasyente wala na nagresponse, diin negative pulse ug wala na nagginhawa, gilayong dayon kining gibutang sa Spineboard Management, ug gi-secure ang uban nga parte sa lawas, sama sa Utok ug Skull Fragments, ug uban pa.
Gisulayan pa ug dala sa pinakaduol nga Hospital, apan gideklarar kining wala nay kinabuhi.
Matod pa sa mga personahe sa Sidangan MPS, ang biktima gikan sa trabaho, ug naglatas na pauli na sa Barangay Mandih, apan pag abot sa nahisgutang lugar, naaksidente kini, hinungdan sa iyang hinanaling kamatayon, nasayran usab, nga gituuhan kining lango sa ilimnong makahubog.
Pahimangno karon sa BFP, nga sa kanunay magmabinantayon, ilabina kung magmaneho ug motor, ug sigurohon ang kaluwasan.
