Iginiit ni Metropolitan Manila Development Authority (MMDA) general manager Usec. Procopio Lipana na kailangan na talaga ang pagkakaroon ng drainage masterplan sa Metro Manila.
Ito ay kasunod ng nangyaring matinding baha sa National Capital Region na nag-iwan din ng tone-toneladang basura.
Ayon kay Lipana, nagpapatuloy sila sa paghahakot ng basura, at tinitulungan na nila kahit may mga private holder.
Kasabay nito binigyang-diin niyang hindi pangkaraniwan ang volume ng basura kaya nagiging mabagal ang paglilinis nila.
Sa loob nga lang aniya ng dalawang araw, noong July 24 at 25 – 187.5 na tonelada ng basura na ang nahakot nila.
Dahil dito sinabi ni Lipana na pag-aaralan dapat ang Metro Manila drainage masterplan na kasalukuyang nasa study stade pa lamang.
