Aminado ang ilang may ari ng Private Motor Vehicle Inspection Center o PMVIC na bumagsak ang bilang ng mga motorista na nagpapa-test sa kanila.
Ayon kay Jun Hilomen, isa sa may PMVIC operator sa Angeles city, sinabi nito na halos nasa 90% ang ibinaba ng bilang ng mga motoristang tumatangkilik ngayon sa PMVIC.
Ito’y kasunod ng direktiba ni Department of Transportation secretary Arthur Tugade na i-hold muna ang operasyon ng mga PMVIC habang inaayos ang kanilang geographic area of responsibility o GAOR.
At paglilinaw na pwede pa ring magpa test ang mga motoristang mag re-renew ng sasakyan sa mga emission testing center.
