PATAY ang motorista human nga gikabangga niini ang pick-up sa may Ciudades bypass road Barangay Mandug, Buhangin District, Davao City pasado alas-7:00 kagahapon sa buntag.
Ang mga nalambigit nga mga sakyanan mao ang motorsiklo nga gimaneho ni Antonio M. Abadilla Jr, 34 anyos, nga taga- Prk. 28 Bong-Bong Brgy Panacan, Davao City, ug ang pasahero niini nga si Jhonlex M. Del pilar ug ang pick up nga gimaneho sa usa ka Jake P. Celiz, 31, nga taga-Jacinto st., SIR Matina, ning syudad.
Sa inisyal nga imbestigasyon, alas- 07:30 kagahapon sa buntag, gisubay sa Motorsiklo ang dalan sa Brgy. Indangan padulong Brgy. Maa agi sa Ciudades bypass road Brgy. Mandug samtang ang pick-up nagsubay sa Brgy. Mandug padulong Brgy. Indangan.
Unya sa pag-abot sa dapit sa insidente partikular na sa paubos nga bahin sa Ciudades road, ang pick-up nagpasaka ug gi-okupar niini ang dalan nga giagian sa motorsiklo hinungdan nga nabanggan kini.
Gumikan sa impact nahagsa ang motorsiklo ug nakaangkon og grabeng mga samad hinungdan sa iyang hinanaling kamatayon.
Samtang ang pasahero niini ang nakaangkon og injuries nga daling gidala sa SPMC hospital.
Gikustodiya na sa Mandug police station ang driver sa pick up alang sa dugang interogasyon ug takdang pasakahan og tukmang kaso.
