Patay ang isang tattoo artist matapos sumalpok ang minamanehong motor sa nakaparadang truck sa Barangay Mangilag Sur, Candelaria, Quezon nitong Sabado, Hulyo 13.
Ayon sa report, pansamantala umanong nakaparada sa lugar ang truck nang masalpok ang kaliwang likurang bahagi nito ng motor na minamaneho ni alyas “Dan”, 21-anyos.
Dead on the spot ang nasabing rider matapos magtamo ng matinding injury sa ulo.
Samantala, bukas naman ang magkabilang panig sa pagkakasundo sa mga usapin hinggil sa aksidente.
