Patay ang gikaingon number 1 most wanted leader sa kumunistang grupo sa Mindanao human sa nahitabong engkwentro sa batok kasundalohan sa Barangay Libudon, Mabini, Davao de Oro niadtong milabayng gabii.
Sa report sa 10th Infantry Division namatay ang maong leader nga giilang si Menandro Villanueva o alyas Bok kinsa dunay patong-patong nga warrant of arrest sa mga kasong multiple murder, double frustrated murder, arson, robbery with intimidation, rebellion ug uban pa.
Sumala pa nga dunay nagsumbong sa presensiya ni Bok sa maong lugar rason nga girespondehan gilayon kini sa tropa sa 1001st Brigade sa pagpanguna ni Brigadier General Jesus P Durante III og didto napatay si Villanueva sa engkwentro.
Ang nasangpit maoy usa sa founding member sa New People’s Army (NPA) sa Mindanao niadtong dekada 70 og una nang gikaingon nga dunay patong sa ulo nga P5.6 miyon.
Gidayeg ni BGen Durante ang operating team nga mipuhag kang Villanueva diin sumala niini ““The 51 years reign of terror of Menandro Villanueva is finally over. His victims were finally given justice”
Sumala pa usab ni MGen Ernesto C Torres Jr ang Commander sa 10ID “The death of Menandro Villanueva signals that the end of the Communist insurgency in Mindanao is already at hand.” BNFM-Davao
