LEGAZPI CITY – Kakaiba an nagin sitwasyon o set-up sa Forest Lake Memorial Parks sa Sitio Tagontong, Taysan, Legazpi City kasubanggi sa pag-obserbar sa undas.
Lain sa nakaugaliang sistema, nagkaigwa nin manlain-laing maugmang aktibidad na inapod na “modern undas”, kun sain kaibahan sa mga ikinondusir an ibalong festival dance, cooking contest, costume contest asin cosplay contest na parte kan konseptong “Di mo inexpect noh?” .
Mientrastanto, duminoble an volume kan mga tawong nagbisita duman kumpara kan nakalihis na taon.
Segun sa namamayo kan Forest Lake, nasa haros 4,000 katawo sana an nagbisita kan 2022, alagad kasubanggi uminabot ini sa poko mas umenos 8,000.
Ini su boot durante kan pag-lift kan COVID-19 restrctions dugang pa an magayon na panahon.
