All-systems-go na ang Kongreso para sa isasagawang special joint session kasabay ng pagbisita ni Japanese Prime Minister Fumio Kishida.
Sabi ni Senate President Migz Zubiri, isa raw karangalang mabisita sila ng Japanese leader.
Mahalaga raw ito para pagtibayin pa ang relasyon ng Japan at ng Pilipinas lalo na’t kinikilala nila ang long-standing partnership ng dalawang bansa at ang matibay na pagsuporta ng Japan sa progreso ng ating bansa.
Ang Japan din umano ang pinakamalaking bilateral source ng Pilipinas sa Official Development Assistance (ODA).
Maaalalang sa araw ng Sabado, ia-adress ni Kishida ang Kongreso alas-onse ng umaga sa Batasan Complex.
Si Kishida ang ika-anim na foreign head of state na magsasalita sa joint session ng Kongreso.
