Boluntaryong nagbalik loob sa pamahalaan kahapon ang isang dating miyembro ng Anak Pawis sa pamamagitan ng Pamplona Police station at 2nd Cagayan Provincial Mobile Force Company.
Batay sa salaysay ni alyas Duday, 39- anyos ,may asawa, community health worker at residente ng nabanggit na bayan , taong 2018 nang nahikayat siyang sumapi sa organisasyon sa ilalim ng pamumuno ni Isabelo Adviento a.k.a. Buting.
Lumahok siya sa mga pagpupulong at kilos protesta sa bayan ng Aparri at siyudad ng Tuguegarao kung saan kanilang ipinaglalaban ang kanilang karapatan sa ancestral domain, livelihood support, at educational scholarship para sa kanilang mga anak.
Ayon kay Cagayan Police Provincial Director, PCOL JULIO S GOROSPE, JR,tuloy pa rin ang kanilang mga aktibidad at programa upang mahikayat ang iba pa na magbalik loob sa pamahalaan upang makapamuhay ng tahimik at payapa kasama ang kanilang pamilya.
