Arestado ang isa ka mister matapos nadakpan sa akto nga nagapataya sang iligal nga “STL Bookies” sa Sitio Proper, Barangay San Esteban, banwa sang Pilar.
Ginkilala ang naaresto kay Eddie Verona Garray, residente sang Barangay Santa Fe sang nasambit nga banwa.
Nakuha sa posesyon ni Garray ang isa ka portable printer, 4 ka stab sang cotejo, isa ka pink ballpen, 1 ka sling bag kag P9,806 sa nagkalain-lain nga denominasyon.
Sa karon, yara na sa kustodiya sang Pilar Municipal Police Station ang suspetsado para sa nagakaigo nga disposisyon. | Judy Ann Juare
