Bumaeos ru suspek sa pag-eotgot it uyahon sa misis sa Brgy. Agbago, Ibajay, Aklan.
Sa report, nakilaea ru victim suspek nga si Niel Zapico, 44 anyos it nasambit man nga lugar.
Samtang, gina turo nga suspek si Mil Boy Sandon, sa legal nga edad.
Natabo sigun ru insidente matapos nga bag-eoton it sanggot ru uyahon ni Mrs. Lucel Tolores, 37 anyos, asawa it victim suspek.
Unang gin sanggot sigun ru uyahon it misis it victim suspek ni Mil Boy Sandon, sa legal nga edad dahilan nga gin apinan ag bumaeos ru mister it babaye nga si Niel Zapico.
Nag-angkon it may kapin sa 10 tama sa naga kasari-saring parte it kaeawasan ru suspek dahilan it gulpihang pagkamatay.
Gin daea pa sa hospital si Sandon sa Ibajay District Hospital apang gin deklara it doctor nga dead on arrival.
Sa makaron, parehong gina bueong sa hospital ru mag-asawang Lucel ag Niel Zapico.//MARIVIC Y. ILIN
