Patay ro driver it motorsiklo ag ninahan man ro angkas kara matapos mabangga sa pader it sambilog ka pawnshop samtang ginabaybay ro Osmena Ave. Kalibo Aklan paadto sa D. Maagma St. ku dominggo it kaaganhon.
Ginkilaea ro namatay nga si Denzel Mabasa, 24- anyos, residente it Bakhaw Sur, Kalibo, Aklan ag angkas kara nga si Hyacinth Maningas 22-anyos ag residente it Andagao, Kalibo, Aklan.
Base sa imbestigasyon it Kalibo MPS, nadueaan it kontrol ro driver rason agud mabangga raya sa concrete barrier it establisyimento.
Sa presente, padayon nga ginabueong sa ospital si Maningas./JIL B. LACSON
