Nababahala ang Bureau of Corrections sa pagtaas na kaso ng tuberculosis na nagiging sanhi ng pagkamatay ng mga Persons Deprived of Liberty (PDL).
Maliban dito sanhi rin ng iba pang pagkamatay ng mga PDL ay myocardial infarction, cerebrovascular accident, acute respiratory failure, congestive heart failure, end stage renal disease, cardiogenic shock, electrolyte imbalance, at upper gastrointestinal bleeding.
Nilagdaan naman ni BuCor Director General Gregorio Pio P. Catapang Jr. ang isang kasunduan na mag po-protekta sa kalusugan ng mga nasa Bilibid.
Sa ilalim ng kasunduan, ang iba pang ahensya ng gobyerno ay maglalaan pondo para tiyakin ang mga stratehiya sa pagpapatupad ng mga patakaran, plano, at programa para sa kalusugan ng mga bilanggo. (BRIGADA NEWS INTERN – RAY RESPICIO)
