Base sa datos it Provincial Health Office (PHO), ro mga banwa it Miag-ao ag Estancia ro may pinakamataas nga numero it kaso it dengue sa siyudad it Iloilo.
Kamana man, ro mga banwa nga may mataas nga kaso it dengue hay ro Tigbauan (24), Dingle (19), Balasan (15), Janiuay (14), San Joaquin (14), Carles (13), Alimodian (12), Calinog (11), ag Pavia (11).
Base sa PHO, sa pagitan it buean it Enero ag Oktubre, ro siyudad hay may 325 nga mga kaso it dengue kung siin sambilog ro namatay (Estancia).
An-um nga banwa man ro may rekord nga zero dengue case. Raya hay mga banwa it Anilao, Bingawan, Igbaras, Maasin, San Enrique, ag Zarraga.
Pila sa mga sintomas it dengue hay ro mataas nga eagnat nga nagaabot sa 40 degrees centigrade nga may kaibahan nga matindi nga pagsakit it ueo, pagsakit it likod ag mata, pagsuka, pagsakit muscles ag kasukasuan,pagguwa it mga pantal, ag iban pa./JIL B. LACSON
