Nakaparehistro eun sa Commission on Elections (Comelec) ro tanan nga Person Deprived of Liberty (PDL) sa Western Visayas agud nga makaboto para sa May 2022 election.
Base sa pahayag ni Jail Chief Inspector Jairus Anthony Dogelio, spokesperson it Bureau of Jail Management and Penology (BJMP) Region 6, kapin sa 8,000 PDL ro gintaw-an it tsansa nga makaparehistro para sa national election.
Dugang pa nana, ro mga nasambitan nga PDLs hay nag-apply man para sa Philippine Identification System (PhilSys) o national ID.
Base man kay Dogelio, ro mga inmates nga may masobra sangka dag-on nga pagkapreso hay indi pagpasugtan nga makaboto./JIL B. LACSON
