Base sa Mines and Geosciences Bureau (MGB) dapat subaybayan it mga Local Government Unit (LGUs) sa Rehiyon 6 ro 1,111 ka mga kabarangayan nga prone sa pagbaha ag pagguhos it eugta.
Ro Tropical Cyclone Wind Signal No. 1 hay ginpataas it Philippine Atmospheric, Geophysical and Astronomical Services Administration (Pagasa) ku Lunes it gabii sa rehiyon bangud sa Tropical Depression (TD) “Lannie.”
Ro mabaskug nga pag-uean ag pagbaha hay mabaatyagan sa pila ka parte it Western Visayas umpisa Lunes it kaaganhon.
Base sa datos it MGB-6, ro mga barangay nga prone sa pagbaha ag pagguhos it eugta hay makita sa Aklan – 217, Antique – 364, Capiz – 78, Guimaras – 42, Iloilo – 219, ag Negros Occidental – 191.
Ginarekomenda man ro mahugot nga pagabantay sa mga lugar nga may ginahimo nga quarry o mining.
Nagapahaom man ro Regional Disaster Risk Reduction and Management Council (RDRRMC) sa Western Visayas para sa mga posible nga epekto it tropical depression./JIL B. LACSON
