Prayoridad karon sa DOT kon Department of Tourism nga gidumala ni Secretary Christina Garcia Frasco ang pagpalambo sa mga tourist destination sa Mindanao.
Kinahanglan matud pa mahatagan og igong suporta ang mga tourist destination labi na sa lalawigan sa Bukidnon aron mapalambo ug ma-promotar kini.
Dako matud pa og tabang ang bag-ong gi-inagurahan ug gi-turn over nga Tourist Rest Area nga nahimutang sa munisipyo sa Manolo Fortich, Bukidnon diin ang nag unang tumong nga makahatag sa hamugaway ug luwas nga stopover sa mga biyahedor.
Mapasalamaton sab si DOT Region 10 Regional Director Marie Elaine Uchuan sa suporta Local Government Unit sa Manolo Fortich, Bukidnon ug Provincial Government sa Bukidnon sa katukuran sa Tourist Rest Area.
Nasayran nga ang Tourist Rest Area sa Manolo Fortich, Bukidnon ang labing-una sa tibuok Mindanao ug ikaduha sa tibuok Pilipinas nga magamit na sa biyahedor nga mga turista.