Gindepensahan sang pila ka manugbaligya sa talipapa ang mga reklamo sang taga-TATC vendors nga wala na sang nagabakal sa lipunan bangud may yara na sang talipapa sa kada-barangay kun sa diin didto na nagapadulong ang mga manugbakal.
Sa interview sang Brigada News FM Roxas kay alyas “Inday”, isa ka talipapa vendor, ginpahayag sini nga palarehos sila tanan nga nagabakas kag nagapangita sang palangabuy-anan gani indi dapat sila paghingabuton bangud nagabayad man sila sang renta sa ila pwesto kag permit sa barangay.
Dugang pa sini, indi na nila sala kun wala sang may nagabakal sa lipunan kay ang tawo may yara man sang desisyon sa kabuhi kun diin sila manindahan.
Matandaan nga nagareklamo ang taga-TATC vendors nga nagakalub-ok na ang ila baligya nga isda sang hinulat sa magabakal kag ginapahayag nga may benta man sila o wala nagabayad sa gihapon ang mga ini sang renta. | Princess Tisay Degoma
