Naglab-ot na sa 43% ang numero sang mga tricycle drivers/operators nga nakapa-renew na sang ila prangkisa humalin sang Enero 2 tubtob Pebrero 7, 2024.
Ini ang ginkumpirma ni Mr. Edgar Andrade, pinuno sang Tricycle Franchising and Regulatory Unit (TFRU) sang ma-interview sang Brigada News FM Roxas.
Suno kay Andrade, out of 3,500 yara palang sa 1,300 ang nakapa-renew.
Dugang pa sini, ang pag-process sang renewal ang nagadependi sa last digit sang ila City Number, kun sa diin may yara sang schedule agud indi mag-ginutok.
Bangud sa magamay palang nga numero sang nakapa-renew, nagapati si Andrade nga iban sa mga tricycle drivers/operators ang wala pa nakaprocess sang requirments.
Isa na diri ang pag-renew man sang ila rehistro sa LTO, pag-paidalom sa maintenance sang ila traysikol kag madamo pa.
Nahibaluan nga sa Marso 15 ang deadline sang renewal apang naghatag ang Sangguniang Panlungsod sang extension tubtob sa Abril 15 agud masiguro nga maka-renew ang tanan nga tryicycle drivers/operators. | Judy Ann Juare
