Kinilala ng Land Transportation Franchising and Regulatory Board (LTFRB) na kabilang sa mga benepisyaryo ng fuel subsidy program ang mga tricycle drivers.
Gayunman, aminado si Department of Transportation senior consultant Engineer Alberto Sunasing na hirap ang gobyerno sa implementasyon nito dahil nasa ilalim ng Local Government Units ang mga tricycle drivers.
Ayon kay Sunasing, nakikipag-ugnayan na ang DOtr sa Department of the Interior and Local Government (DILG) para maisaayos ang isyu.
Nilinaw ng opisyal na hindi naman nila ine-exclude ang tricycle.
Pero dahil hindi parte ng LTFRB ang tricycle drivers, ay hindi nila basta-basta madadownload ang pondo na nakalaan para sa kanila.
