Ginkumpirmar ni Kapitan Jocelyn Asis sang Brgy. Lawaan, Roxas City nga pagahimuson na ang mga talipapa nga nahamtang sang kilid sang karsada sa ila lugar.
Suno kay Asis, ang mandato ang nagikan man sa Department of Interior and Local Government National kun sa diin iga-implementar sang barangay kabulig ang mga inter-agency kasubong sang Department of Public Works and Highways (DPWH), kapulisan kag iban pa.
Suno sa mga vendors, wala naman sila sang mahimo bangud nagasunod lamang sa layi ang mga barangay opisyal kag antes ang demolition ginpatawag naman sila sa barangay agud paintindihon sa nasambit nga mandato. | Judy Ann Juare
