NAGPASALAMAT sa Kabrigadahan ang mga residente sa Guardian hills sa Brgy Bawing tungod gitabangan sila nga mataoran og suga ang ilang gymnasium.
Gibutyag ni Lanie Malinting Presidente sa guardian hills dali nga giaksyonan sa mga myembro sa Kabrigadahan ang ilang hangyo nga mga gamit alang sa basketball court, ug gipinturahan pud ang mga bangko lakip ang nakapalibot nga semento.
Nagtinabangay ang tanan sa paglimpyo ug pagpintura aron dali kining mahuman.
Dakong kalipay ang ilang nasinatian tungod gisugdan na ang paggamit sa gym, abli usab kini alang sa tanan ug aduna na silay magamit panahon sa mga aktibidad o panagtigom nga imugna sa nasangpit nga lugar.
