GIPANGITAAN og solusyon sa barangay Tinagacan ang mga problema sa iyang mga konstituwente nga walay birth certificate.
Segon ni Kapitan Jeoffrey Salanio nga gawas sa mga batan-on may mga senior citizen usab nga walay susamang dokumento maong nahuna-hunaan nila nga makig-alayon sa LCR alang sa maong kalihokan.
Gibana-banaan sa kapitan nga kapin sa 300 ang walay birth certificate sa ilang barangay maong Gipangitaan niini og paagi nga mamahimong sayon ang pagkuha sa nahisgotan nga dokumento.
Samtang si Ailyn Malit ang wala nagduha-duha nga mo-avail sa maong programa dungan sa pagpasalamat nga mipadulong sa ilang barangay ang mga personahe sa LCR.
Segon pa niini nga makadaghan na nga higayhon silang napakyas sa transakyon tungod sa ginapangitaan sila og birth certificate sa iyang mama.
Gumikan sa iyang naangkon nga benipisyo hilabihan ang pagpasalamat niini sa mga opisyal sa barangay ug sa nagpasiugda sa maong programa. I Danny Casi
