Sangka mabahoe nga oportunidad suno kay Major Edwin Lobog it Philippine Military Academy (PMA) Baguio City para sa mga pamatan-on nga makabuoe it entrance exam para sa cadetship it PMA.
Ro exam hay igapatigayun sa maabot nga adlaw it Sabado ag Dominggo, August 26 & 27, 2023 sa 3rd Floor Municipal Blg., United Veterans Ave., Kalibo, Aklan.
Ginabatun gihapon ro mga walk-in applicants ag ro requirements hay dapat natural born Filipino citizen, pwede ro babaye ag eaeaki nga naga edad 17 to 21, may height nga 5 feet, physically fit, single ag may general average sa High School nga 85 percent and above.
Sa interview kay Major Lobog it BRIGADA NEWS FM KALIBO, ro PMA entrance exam hay libre ag magabuhay raya it tatlo ag tunga sa oras.
Pila sa mga benepisyo nga mabuoe kung makapasar sa PMA entrance exam hay may oportunidad nga makatuon sa premier leadership institution sa Pilipinas, magiging full government scholars ro mga kadete ag pagabayaran pa sanda nga may basic salary nga P38,000 per month ag matapos ro 4 nga dag-on hay mataw-an it bachelors degree ag matapos ro graduation hay igapa-take oath bilang 2nd lieutenant sa Army, Airforce o Philippine Navy.
Pwede man segun nga magbuoe it exam romga interesado halin sa Capiz ag Antique ag simultaneous nga igapatigayun ro nasambit nga exam sa bilog nga Visayas. // ANN DESLENE SALAZAR
