ILOILO CITY — Igapaidaeum it Police Regional Office (PRO-6) sa training ro andang mga miyembro sa marksmanship ag gun safety.
Raya hay base sa bag-ong direktiba halin sa Philippine National Police (PNP) chief, General Guillermo Eleazar.
Base sa pamunuan it PRO-6, makapamayad raya sa tanan nga police personnel para maging firearm-proficient sanda.
Matandaan nga kan-o eamang sa Tondo, Manila, aksidenteng napaeupok it sangka pulis ro anang baril, nga naging rasun agud mamatay ro sangka delivery serviceman.
Ginpahayag ni PNP Chief Eleazar nga bilang mga miyembro it PNP, dapat siguruhon nga ro konsepto it responsible gun ownership hay pirmeng isa-puso ag isip it kada kapulisan.
Ro nasambit nga training hay pagaumpisahan eon makarung dominggo kung siin, ro target hay mga bag-uhan nga pulis. / ANN DESLENE SALAZAR
