Pito ka mga pribadong ospital sa probinsiya it Iloilo ro nag-renew it andang accreditation sa Philippine Health Insurance Corp.
Ro mga nasambitan nga ospital hay ro St. Paul’s Hospital Iloilo (SPHI), Iloilo Doctors’ Hospital (IDH), Iloilo Mission Hospital (IMH), Medicus Medical Center (MCC), Qualimed Hospital Iloilo, The Medical City Hospital Iloilo (TMCI), ag ro Metro Iloilo Hospital and Medical Center, Inc. (MIHMCI).
Matandaan nga ku Disyembre it nagtaliwan nga dag-on, nagbanta sanda nga putueon ro andang accreditation sa state health insurer bangud uwa raya nakabayad sa mga claims nga nag-abot sa haeos P900 milyon.
Pero sa presente, bangud sa renewal it andang accreditation, magapadayon ro pito ka mga ospital sa pagpoproseso it tanan nga mga valid claims it mga PhilHealth members./JIL B. LACSON
