Ro probinsiya it Aklan hay na-classify eun bilang “low risk” sa COVID-19 infection matapos ro madinalag-on nga pakipagsukoe sa surge it mga kaso ku nagtaliwan nga mga dominggo.
Ro two-week growth rate it COVID-19 cases halin Pebrero 4 hasta 17 hay sa -85%, samtang ro average daily attack rate o numero it mga indibidwal nga ginatamaan it sakit sa kada 100,000 populasyon hay nagaabot eun eamang sa 1.21% kumpara sa 8.39% ku nagtaliwan nga dominggo (Enero 21 hasta Pebrero 3).
Ro mga munisipalidad it Banga, Makato, Lezo, Altavas ag Buruanga hay uwa it narekord nga aktibong kaso it nasambitan nga virus.
Samtang, ro recovery rate man it probinsiya hay sa 97%.
Pero bisan naganaba ro mga kaso, padayon ro pagpahanumdom it Provincial Health Office-Aklan nga pagasundon gihapon ro mga ginapatuman nga health protocols./JIL B. LACSON
