Ginaproblema makara it mga pribadong ospital sa siyudad it Iloilo ro half billion pesos nga unpaid claims it Philhealth nga uwa pa gid nabayaran.
Sa katunayan, nagpadaea it sueat ro mga heads it mga pribado nga ospital it siyudad kay Health Secretary Francisco Duque III agud matawag ro anang atensyon.
Kaeakip sa mga nagpirma sa nasambitang sueat hay ro pamunuan it Iloilo Doctor’s Hospital, Iloilo Mission Hospital, Medicus Medical Center, Metro Iloilo Hospital ag Medical Center Incorporated, St. Paul’s Hospital of Iloilo, The Medical City Iloilo ag Qualimed Hospital.
Magapadayon man gihapon ro operasyon it mga ospital agud maghatod it serbisyong medikal sa mga tawo pero haeos ubos eun man ro andang mga financial resources.
Base sa sueat, nagdemand ro mga ospital nga mabayaran sanda sa katapusan it Oktubre 2021 o immediate suspension it mga polisiya para sa No co-payment ag No-balance billing.
Nag-abiso ro pito ka private hospitals sa siyudad nga indi nanda i-renew ro andang accreditation sa PhilHealth kung indi mabayaran it ahensya ro andang unpaid claims./JIL B. LACSON
