Hugot nga gina bawae it Department of Environment and Natural Resources (DENR) ru mga posters nga gina eansang sa puno’t kahoy sa bilog nga nasyon particular sa probinsya’t Aklan.
Sa sangka interview kay Regional Executive Director Livino Duran, gin taw-an it warning ru mga kandidato ag supporters nga naga himo kara.
Maga pangatubang it kaso sa pag-eapas sa Presidential Decree 953 Section 3 ru sin- o man nga maga eabag.
Sa nasambit nga kasugu-an, hugot nga gina bawae ru pag putoe it kahoy, pag samad it mga natural ag planted nga mga tanom pwera eamang kun raya hay kinahangean nga putueon sa safety it publiko.
May pinalidad nga naga-abot sa 6 nga buean hasta 2 dag-on nga pag kakulong ag pinalidad nga naga-abot sa P500-5,000 depende sa discretion it korte.//MARIVIC Y. ILIN
