NAKA ALERTO na an PRO-5 asin mga police offices sa rehiyon para sa paparaning pagkomemorar kan Undas ngunyan na taon.
Sa mga maabot na mga aldaw, piglalaoman na soboot an pagdagsa kan mga tawo sa man iba ibang sementeryo sa rehiyon tanganing bisitahon an saindang mga nagadan nang mahal sa buhay antes pa man iupautob an pagsasara kan mga ini puon Oktubre bente nueve.
Parte soboot kan preparasyon kan kapulisan sa rehiyon iyo an paglalatag asin pagtitindog nin police assistance desk sa mga sementeryo asin parke tanganing magtaong asistensya asin tabang sa mga mabisita sa sinambit na mga lugar.
Ini tangani kontrolon an paglaog kan mga tawo asin maibitaran an pagtitipon na pirming nagiging rason sa paglakop kan covid-19.
Antes ini nagpaluwas man nin direktiba si pnp-bicol regional director PBGen. Jonnel C Estomo sa mga Chiefs of Police asin Unit Commanders na makipag koordinar sa lokal na govierno para sa mga lakdang na gigibohon asin ipapaputob na mga pag iingat.
Saiya man na inabisuhan an publiko sa mahigot na pagsunod sa health protocols tanganing dai maging superspreader an magiging pagkomemorar.
Kasabay kaini padagos an paglalansar nin anti-criminality campaigns kan pulisya sa man iba ibang lugar sa Bicol tanganing mapigilan an pag aprubitsar kan mararaot na element mantang sabot an gabos sa pag obserbar kan undas.
