-Reymund Titong
KABANKALAN CITY, Negros Occidental — Nagakahangawa nga madulaan pangabuhian ang mga sa Barangay Gatuslao sa banwa sang Candoni, bangud sa ginapatigayon nga clearing operation sang isa ka kompanya sa banwa nga tuyo magtanum sang palm oil trees.
Sa interview sang Brigada News FM Kabankalan kay Atty. Rey Gorgonio, legal counsel sang mga mangunguma, 6, 000 ka ektaryas sang forestal land sang Candoni ang plano pagatam-nan sang palma sang kompanya nga gina-panagiyahan sang Consunji family, matapos nakasulod ini sa isa ka Integrated Forest Management Agreement (IFMA) sa Hapi Corporation, sang 25 ka tuig.
Dugang pa ni Gorgonio, halos masobra na isa ka semana na nga gina-bulldoze sang kompanya ang pipila ka kadutaan nga ginagamit sa pagpananum sang mga mangunguma. Sa karun, apektado nga mga pananum amo ang humay, mga kararuton, saging, mga ulutanon kag ma mga prutas.
Nahibaluan, ang nasambit nga palm oil plantation sa banwa ang isa ka Php 2-billion project nga ginapatihan maka-ganyat sang halos 3,000 nga trabaho.
Sa piyak nga bahin, apisar sa maayo nga mga butang nga mahatag sini sa mga pumuluyo, may gakakita naman si Gorgonio nga long-term environmental effects, lakip na ang pagka-kuntaminado sang tubig sa mga bobon kag suba malapit sa lugar.*
