Gina engganyo makarun ro mga negosyante sa Kalibo Public Market nga sundon ro Price Tag Law bilang kaparte it kinamatarung it mga manugbakae o konsumidor nga pumili it manami nga produkto sa tamang presyo.
Nasayuran nga ginpadumdom ni Municipal Economic Enterprise Development Office (MEEDO) Head Mary Gay Quimpo Joel ro market collectors ag inspectors nga i-monitor ro mga stall owners ag vendors kung nagasunod ro mga raya sa sueondanan agud maprotektahan ro interes it mga manugbakae.
Dapat nga ibutang it mga vendor ag retailer ro andang mga price tag sa ginabaligya nanda nga produkto bilang pagsunod sa laye.
Pati ro mga vendor o naga bolante kung adlaw it Dominggo hay ginpadumdom man nga magbutang it andang price tag sa andang mga ginabaligya nga produkto. / ANN DESLENE SALAZAR
