LEGAZPI CITY – Kinumpirmar kan Civil Service Commission (CSC) Bicol na nasa 18% sana an mga nakapasar para sa professional exam mantang 21% sa sub-professional kan pinakahuring CSC examination.
Segun kay CSC Bicol Regional Director Atty. Daisy Punzalan Bragais, kadaklan sa mga nakapasar, mga nasa kolehiyo o mga fresh graduates, mantang an mga empleyadong nagtake an haros dai na nakakapasar.
Rason kun nata siring sana kaini an porsyento dawa nagtatao na nin coverage, ini huli ta pag nasa trabaho na, dai na man piggagamit sa totoong buhay an mga kasarabay sa eksaminasyon arog kan manlaen-laeng parte kan Math asin Science.
Tinawang-duon ni Bragais na mas marhay nang mag-review bago magtake kan eksaminasyon, lalo na sa mga nagtatrabaho na, nganing mas dakula an tsanyang makapasar.
