KALIBO, AKLAN—Nagaabot eon sa masobra onse mil nga mga Kalibonhon do nabakunahan kontra sa COVID-19.
Sa datos it Municipal Health Office (MHO) Kalibo, umpisa Abril 20,2021 hasta it Setyembre 1,2021 nagdangat eon sa 11,686 do mga nabakunahan sa kabisera it Aklan kung siin 6,779 kara do fully vaccinated samtang 4,907 man do nakabaton it andang first dose.
Suno man kay Dr. Jocelyn Garcia, Municipal Health Officer, ginaeauman nanda nga may maabot pang kadugangan nga bakuna agud nga mangin sigidas do pagpatigayon it vaccination roll out sa mga Kalibonhon.
Sa pihak nga parte, padayon man sa gihapon do pagkumbinse it MHO Kalibo nga magpabakuna agud nga may sagang do eawas sa coronavirus disease. // SHERRY ANNE REUNIR-VIDAL
