Kinakailangan ng mga inidibidwal na mananatili sa Zambales sa loob ng 48-oras na makapagpakita ng negatibong resulta ng RT-PCR test.
Kapag tatagal naman ng 12-oras ay negative antigen test result ang kinakailangan.
Ayon kay Plt. Jaliel Balading, tagapagsalita ng Zambales Police Provincial Office, mas mainam rin kung ang bibyahe ay makipag-ugnayan ang panggagalingan nitong lugar sa Rural Health Unit ng lalawigan.
Maliban dito ay dapat ring kumpleto sa iba pang requirements ang mga essential travelers at authorized persons outside residence.
Tiyakin na dala ang mga ID, may proof of residency, proof of official business, magrehistro sa S-Pass at iba pa.
Matatandaan na naghihigpit ng husto ngayon ang lalawigan ng Zambales para matiyak na hindi makakapasok ang delta variant.//Jen Bayot-BNFM OLONGAPO
