GIKALIPAY sa mga poll workers sa Gensan ang pagsaka sa ilang honoraria og hangtud P10, 000 alang sa taliabot nga Barangay and Sangguniang Kabataan Elections (BSKE), ang increase sa honoraria ang gikan sa savings sa Commission on Election (COMELEC).
Gikan sa P6,000 ug P5,000 nga ginahatag sa poll body kaniadto sa mga chairman ug electoral board, gihimo na nila kini karon og P10,000 hangtud P9,000. Matud ni Irish Visaya, magtutudlo gikalipay nila ang increase nga dako og tabang kanila ug paigo alang sa serbisyong gihatag sa eleksyon.
Samtang giangkon usab ni Riza Ruben Valdez, magtutudlo bisan paman gisaka ang kantidad sa honoraria, mas malipay sila kung kini ang mahimong tax- free. Una nang, gipasalig sa Comelec nga gilayong ihatag sa mga poll workers nga mosilbi sa BSKE ang ilang honoraria ‘on time’. Ilawom sa balaud, makuha sa mga magtutudlo ang ilang honoraria sulod sa 15 kaadlaw human ang eleksyon.
Samtang, gisiguro ni Atty. Michael Abas, regional director sa Comelec-12 sa mga magtutudlo nga nagbansay sila og police officer isip backup electoral board members ugaling dunay lugar nga ipailawom sa stringent safety guidelines. I Richel Gubalani
