Moabot sa 95 ka mga myembro sa tribung Ata-Manobo ang nakauli na sa ilang yutang natawhan human nibiya sa UCCP Haran sa Fr. Selga St., Bankerohan, Davao City kagahapon sa buntag.
Ang 95 ka indibidwal dali nga gipailawum sa initial check-up sa IATF-Talaingod human nahidangat sa Sitio JBL, Brgy. Sto. Niño, Talaingod.
Gilangkuban sila sa 17 ka pamilya ug 19 ka indibidwal lakip mga menor de edad gikan sa Sitio Nalubas, Nalaslasakan, Natulinan, Palisan, Central Baugan ug Sitio Bolo sa maong lungsod.
Subay matud pa sa gihimong interview sa ELCAC team, gibutyag sa mga nahisgutan nga tuig 2014 dihang ilang gibiyaan ang ilang komunidad tungod sa mga serye sa propaganda nga gitanum sa mga Legal Left Organizations (LLO’s) sa ilang huna-huna sama sa militarisasyon, pagsupak sa tawhanong katungod ug uban pang pagpanglimbong aron maagni sila nga moduyog sa kawsa.
Sa pagkakaron temporaryo una silang nagtiner sa Talaingod Municipal Gym sa Sitio JBL, Brgy. Sto. sa Talaingod sa pag-atiman ni BAE PILAR A LIBAYAO-IPMR Talaingod.
Ang hapsay nga pag-uli sa mga nahisguitan gipangunahan sa ELCAC Team sa pagpanguna nini PCOL EDGAR ALLAN O OKUBO, 1st DAVAO NORTE PMFC sa superbisyon ni PLTCOL JULIUS A BORJA, Force Commander; mga sakop sa Panabo City Police Station sa pagpanguna ni PMAJ RAMIL A PACTO; PMAJ DEXTER CUEVAS, Intel Officer sa PIU ; 56 IB ug Davao City Police Office. BNFM-DAVAO
