Pinayuhan ni Health Reform Advocate Dr. Tony Leachon ang gobyerno na mag-step up sa vaccination program kasabay ng banta ng Delta variant na pinaniniwalaang dahilan ng pagtaas ng kaso ng COVID-19 infections sa maraming bahagi ng bansa.
Sinabi ni Leachon na kailangang mas maparami pa ang mabakunahan sa bansa upang mapigilan ang mas pagdami pa ng infections sa bansa.
Giit ni Leachon, dahil sa limitadong supply, isyu sa cold chain at ang pangangailangan ng mga LGUs, kailangan ng pamahalaan na i-prioritize ang vaccination goals ng bansa.
Binigyang diin pa ni Leachon na kailangang mas tutukan ng gobyerno ang monitoring sa mga COVID-19 hotspots para makapagplano nang maayos sa pagtugon.
Matatandaan na base sa report, umakyat sa 20.3% ang positivity rate sa bansa na pinakamataas simula noong Abril ngayong taon na nangangahulugan na isa sa bawat limang Pilipino ay positibo sa virus.
