GAHIMO na og mga igong lakang ang mga municipality sa South Cotabato nga may mga natalang variant sa COVID-19.
Kini ang gibutyag ni Dr. Rogelio Aturdido, Provincial Health Office sa South Cotabato nga nagpatuman na ang Surallah LGU og hard lockdown sa usa
subdivision tungod sa natalang usa ka kaso sa Delta variant.
Dugang pa ni Aturdido nga sama usab ang gihimo sa Banga ug Koronadal City LGU aron makontrola ang pagkatag sa maong variant.
Onse ang nagpositibo sa COVID-19 variant sa South Cotabato, asa lima niini ang nagpositibo sa Alpha o UK variant, duha sa Beta o South African variant ug upat ang nagpositibo sa Delta variant nga unang na-detect sa India.
Ang mas makatakod nga variant ang natala sa Koronadal City, Banga sa Surallah ug Tupi.
Ang kaso sa Tupi nga nagpositibo sa Delta variant ang nakabsan sa kinabuhi sa ospital sa Davao City ug migawas ang resulta niadto lang Agosto 23, luyo nga June 15 kini na-admit sa ospital ug namatay niadtong July 15.
Gipahigayon ang contract tracing ug dugang pagsuta aron masayran kung may local transmission sa mga naasuyng Delta variant.
