Nagpositibo sa Alpha, Beta ug Delta variant sa COVID-19 ang 11 ka pasyente sa COVID-19 sa South Cotabato.
Kini ang gibutyag ni Provincial Health Officer Dr. Rogelio Aturdido Jr. subay sa resulta sa Genome Sequencing nga gipagawas sa Philippine Genome Center niadtong Agosto 23.
Lima niini ang nagpositibo sa Alpha o UK variant, duha sa Beta o South African variant ug upat ang nagpositibo sa Delta variant nga unang na-detect sa India.
Ang mas makatakod nga variant ang natala sa Koronadal City, Banga sa Surallah ug Tupi.
Gikumpirma ni Aturdido nga namatay na ang 4-anyos nga bata nga pasyente gikan sa Tupi, apan gitino nga posibleng na-infect kini samtang naka-confine sa Davao City tungod negatibo usab ang resulta sa RT-PCR test niini sa Tupi.
Samtang ang laing tulo ka pasyente ang naka-isolate pa ug gikatakdang ipailalom sa repeat swab test.
Gideklara usab nga recovered ang laing pito nga nagpositibo sa Alpha ug Beta variant.
Sa karon nagpadayun ang contact tracing sa mga close contact sa mga naasuyng pasyente ug giawhag ang mga katawhan sundon ang mga health protocols.
