NAKAUBAN na usab ni Brigada Elmer V.Catulpos ang mga katawhan sa ilang gipahigayong Kapehan sa panon sa partidong AIM sa Promiseland, Brgy.Mabuhay.
Gidagsa sa mga tawo ang maong panagtapok asa aduna pay dance number hinungdan sa kasadya nga nasinatian.
Apan bisan sa kasadya aduna usay pagpa-ambit ang pipila ka residente sa ilang mga kalisdanan, sa ilang pakigbisog sa kinabuhi.
Gipaminawan sila ug nakuhaan og inspirasyon ug mapasalamaton sila kang Brigada Elmer nga mihatag kanila og panahon aron masayran ang ilang mga problema ug mga damgo sa ilang kinabuhi.
Sama sa amahan nga 70-anyos nga bisan sa mga kalisdanan sa kinabuhi, wala sila mawad-an sa paglaom nga makalingkawas sa kasamtangang sitwasyon.
Mao usab si Tatay Norlito, 57-anyos nga bisan nag-antus sa sakit sama sa ulcer, arthritis ug kasing kasing mapasalamaton pa gihapon nga nagpabiling buhi ug nagapaningkamot nga mabuhi luyo sa kalisod.
Masaligon sila nga sama sa Ama ng Brigada nga may dakong damgo alang sa GenSan, sila usab ang makaambit sa bunga niini, ang trabaho nga mamugna, mga negosyo nga mulambo aron maharuhay ang mga katawhan.
