Preparado eon ru Police Regional Office (PRO6) sa pag-umpisa it local campaign period sa Marso 25.
Sa interview kay PRO6 Spokesperson Police Lt. Colonel Arnel Solis, gin pahayag nga gin estoryahan eon sigun sa Regional Joint Security Control Center ru mga preparasyon sa pag-umpisa it pangumpanya para sa lokal ag national elections.
Indi eon sigun kinahangean nga mag buoe pa it permit halin sa COMELEC ru mga kandidato para sa campaign activities sa mga lugar nga gin paudaeom sa alert levels 1 & 2.
Samtang, nag hinyo ru PRO6 sa publiko nga striktong ipatuman ru mga restrictions dahil naga padayon pa gihapon ru COVID-19 pandemic.//MARIVIC Y. ILIN
